Songtexte: Bläck Fööss. Minge Drache.

:
Wie minge Drache fleje,
huh en de Wolke ze steije,
jlauv mir, dat es e stark Jefohl,
einfach esu ohne Ziel.
Un dann do bovven schwebe,
sich einmol ens janz frei bewaje,
ohne die Kood, die bestemme kann,
wie huh, wie wick un wie lang.

1.
Da Draum hatt ich schon als Kind,
wenn em Herbs bei Wedder und Wind
minge Drache bunt am Himmel stund,
un der Wind in metnohm janz huh,
wie ha dann janz klein wood em Nu,
do stund ich ungen un han um nohjesin
un wunschten, ich wor bovven bei im.

Wie minge Drache fleje,
huh en de Wolke ze steije,
jlauv mir, dat es e stark Jefohl,
einfach esu ohne Ziel.
Un dann do bovven schwebe,
sich einmol ens janz frei bewaje,
ohne die Kood, die bestemme kann,
wie huh, wie wick un wie lang.

2.
Avver manchmol, do wor ha wie doll,
ich hatt kaum noch Kood op der Roll,
un wenn ha dann wie weld verrock jespillt,
trok ich langsam un hosch ahn da Ling,
bis ha sich irjendwann widder fing,
dann wor et jot, doch lang hat et nie jedort,
bis ha widder nixnotzich wood.

Jo, wie minge Drache fleje,
huh en de Wolke ze steije,
jlauv mir, dat es e stark Jefohl,
einfach esu ohne Ziel.
Un dann do bovven schwebe,
sich einmol ens janz frei bewaje,
ohne die Kood, die bestemme kann,
wie huh, wie wick un wie lang.