Songtexte: Canta U Populu Corsu. Sintineddi.

Tali un ochju lampatu a u mare latinu
O una mani porsa a l'imperi a liventi
Un sognu maladettu d'eternu scarpiddinu
O una chjama antica chi piu nimu n'un senti

Tali i voci chi funu da culandi a l'ora
E li visi di petra chi dissinu di no
Quidda sumiglia strana chi un si volsi mora
E l'idea chi tandu tuttu qui principio

Tali a mani chi vensi in tempu d'ancu a fa
E vi feci d'altura cu quiddu arti supranu
Un era ancu lu mondu e n'erati digia
Guardiani impitrati di u ricordu umanu

Tali l'abbracciu primu chi u silenziu vi deti
E li sapienzi arcani cu li so canti immersi
Di cio chi un he storia tiniti li sicreti
Tali una citatella chi a mimoria persi