Songtexte: Canzoni Napoletane. 'O Sarracino.

(NISA-CAROSONE)

Tene 'e capille ricce ricce...
Ll'uocchie 'e brigante e 'o sole 'nfaccia...
Ogne figliola s'appiccia si 'o vede 'e passa...
Na sigaretta 'mmocca...
Na mana dint' 'a sacca...
e se ne va, smargiasso, pe' tutt' 'a citta...
'O sarracino,
'o sarracino,
bellu guaglione!
'O sarracino,
'o sarracino,
tutt' 'e ffemmene fa suspira...
E' bello 'e faccia,
e bello 'e core:
sape fa 'ammore...
E' malandrino,
e tentatore...
Si 'o guardate ve fa 'nnammura.
E na bionda s'avvelena,
e na bruna se ne more...
E' veleno o calamita?
Chisto a 'e ffemmene che lle fa?
'O sarracino,
'o sarracino,
bellu guaglione...
E' bello 'e faccia,
e bello 'e core:
tutt' 'e ffemmene fa 'nnammura!
Ma na rossa, ll'ata sera,
cu nu vaso e cu na scusa,
t'ha arrubbato anema e core!
Sarracino nun si' cchiu tu!...
'O sarracino,
'o sarracino'
bellu guaglione!
'O sarracino,
'o sarracino,
tutt' 'e ffemmene fa 'nnammura...
Sarracino, sarracino...