Songtexte: Massimo Ranieri. Napulammore. Zappatore.

Felicissima sera,
a tutte sti signure 'ncruvattate
e a chesta cummitiva accussi allera,
d'uommene scicche e femmene pittate!

Chesta e na festa 'e ballo...
Tutte cu 'e fracchesciasse sti signure...
E i', ca so' sciso 'a copp''o sciaraballo,
senza cerca 'o permesso, abballo i' pure!

Chi so'?...
Che ve ne 'mporta!
Aggio araputa 'a porta
e so' trasuto cca...

Musica, musicante!
Fatevi mordo onore...
Stasera, 'mmiez'a st'uommene aligante,
abballa un contadino zappatore!

No, signore avvocato...
sentite a me, nun ve mettite scuorno...
Io, pe' ve fa signore, aggio zappato
e sto' zappanno ancora, notte e ghiuorno!

E so' duje anne, duje,
ca nun scrive nu rigo a casa mia...
Si 'ossignuria se mette scuorno 'e nuje...
Pur'i' mme metto scuorno 'e ...'ossignuria"

Chi so'?!
Dillo a 'sta gente
ca i' songo nu parente
ca nun 'o puo caccia...

Musica, musicante!
ca e bella ll'alleria...
I' mo ve cerco scusa a tuttuquante
si abballo e chiagno dint''a casa mia!

Mamma toja se ne more...
'O ssaje ca mamma toja more e te chiamma?
Meglio si te 'mparave zappatore,
ca 'o zappatore, nun s''a scorda 'a mamma!

Te chiamma ancora: "Gioja"...
e, arravugliata dint''o scialle niro
dice: "Mo torna, core 'e mamma soja,
se vene a piglia ll'urdemo suspiro..."

Chi so'?
Vuje mme guardate?
So' 'o pate...i' songo 'o pate...
e nun mme po caccia!...

So' nu fatecatore
e magno pane e pane...
Si zappo 'a terra, chesto te fa onore...
Addenocchiate...e vasame sti mmane!