Songtexte: N.C.C.P. (Nuova Compagnia Di Canto Popolare). La Gatta Cenerentola. Secondo Coro Delle Lavandaie.

Uh Maro che bellu suonno
uh Maro che bellu suonno,
m'e benuto 'nzuonno 'e notte
c''o penziero 'o stesso chiuovo
ca martella a sirece anne
e t'avuote dint''o lietto
e t'avuote e t'arrevuote
senza mai truva' arricietto.
M'e benuto 'nzuonn''o rre
m'e benuto comme fosse
proprio overo 'nnanz''a mme..
Seh..seh...seh...seh...
Proprio overo tale e quale
bello comm''a san Pascale
janco russo latte e mmele
comm''o pesce 'e san Rafele
Uh Maronna m'aggio 'ntiso
m'aggio 'ntiso 'a trava 'mpietto
'na trava e 'nu paletto
ddoie palle e 'na scuppetta
e 'na botta de curtiello
tacco e ponta'nu martiello
quanno 'nchiova e nun se chiea
preta pmmece e pummecea.
Maramme maramme
chill''o rre vulev'a mme.
Seh.. seh.. seh..seh...
I' c''o fazzuletto angrese
tutto posema e fatt''a cca
l'aggio rat''a stessa botta
cu 'na mossa aggraziata
l'e carut''a vetriata
l'e carut''a gelusia
'ncopp''o core
'ncopp''o core
ca sunnanno dint''o mmeglio
comme pienz''e fa' ll'ammore
rint''o suonno cu 'e llenzole
s'arravogliano core e core.
Ah..ah..ah..ah....
Quanno e stato a lu balla'
ih che musica e musica
vota e gira 'a part''e cca
'nziem''a mme isso vo gira'.
I' aggio ritto maista,
Maista si faie 'o palummo
i t''a facci''a palummella
e t''a facci''a ballatella
ma si 'ncappe sott''a scella
me fernisce 'e rucchia.
Isso allora me tirava
e tirava 'a ppont''e pietto
io pe' sotto m'annascunnevo
scatenann''o fierr''o lietto.
Scatenanno 'e matarazze
cu 'e cuscine a ppere e a ccapo,
isso allora me sceriava
e int''o stommaco me turcevo
comm''e panne dint''a culata
sott''o sole ca 'nfoc''a loggia.
Una botta roie botte
gioia mia gioia mia
m'e benut''a fantasia
mena me falla 'sta spesa
ca so' ricco e so' rignante.
Si cu mme viene a cavallo
io t''o metto st'aniell''o rito
e tt''o metto
e tt''o metto
ca si' bella e ca te spetta
tu si' 'a bella delli cazette.
Ah..ah..ah..ah...
E m'ha miso a 'sti parole
rint''o core 'na pugnlata
e po' 'mpietto m'ha rignuto
'e lazziette oro e curalle
perle 'rosse fatt''a nucelle
pigne e 'rappule cu 'e diamante.
'Nu spillone justo cca
n'at''a cca
po' cchiu a cca.
Che pugnut''int''o sunna'.
Ah..ah..ah..ah....
Quanno e stato a lu vasa'
preta pommece e pommicia
siente 'o fforte si vuo pruva'.
Cerasiello pe' 'mpont''o musso
mela janca e milo russo
m'ha pigliato pe' sott''e brazze
e s'e miso a cunnulia'.
Cunnulianno 'sta fantasia
viene 'a cca oi nenna mia
ca si' fatta pe' rigna'.
Io te voglio cunzula'.
'Mman''a tte t''o voglio da'
tutto 'stu munno pe' pazzia'.
Comm''a palla e 'stu munno sano
e i' t''a dongo 'sta palla 'mmano.
'Mman''a mme
'mman''a tte
si' 'a riggina e i' song''o rre.
Seh..seh..seh..seh...
Ma 'int''o suonno bell''e bbuono
m'aggio 'ntiso 'ncopp''a 'na spalla
cu 'nu pizzeco 'na strignuta
'na stregnuta c''o ppezzeca'.
Uh Maronna e che sarra.
Rint''o mmeglio,
rint''o mmeglio
era mammema ca 'int''o mmeglio
e benuta pe' me sceta'.
Uh mannaggia 'a sciorta mia
m'e carut''a fantasia
m'e caruta c''o vulio
miett''a toia ca i mett''o mmio
rint''o mmeglio 'e 'stu ssunna'.
Uh mannaggia 'o baccala
Chi t'e muorto oi mamma ma
puozza scula'
puozza schiatta'
puozz'j' cercann''a carita.
'Na botta 'nfronte puozz' assecca'
pe' sott''o ponte d''a Sanita
Ah..ah..ah..ah....
Ih che luna
ih che luna
'stu vulio e 'stu ssunna'
quanno vene me fa fa'
ah ah ah ah
chi m''a vene a cunzula'
a Raziella.....
Uh Maro' Maro' Maronna
lu marit'e muorto.
Uh Maro' Maro' Maronna
lu marit'e muorto,
cu 'na rosa spampanata
cu 'na rosa spampanata
cu 'na rosa spampanata l'ha lassata..
Mannaggia cca mannaggia lla
mannaggi''a fessa 'e mammeta,
pe' sott'a te voglio passa'
voglio vede' comme se sta'
e chella vo' fa' vo' fa' vo' fa'.
Gira e vott''a mano ca vene
soret''a tene 'a tene 'a tena.
Vott''a mano ca s'e 'nfucata
e sott'a prevul''a tiene ll'uva
meglio a te ca a uno 'e nuie
e piglia 'o cane ca vene e fuie...
Piglia 'o trebbete c''a tiella
s'e 'nfucat''a furnacella
e lu mare annizza annizza
'o tuoio e mmuscio e 'o mio s'arrizza....