Songtexte: Surghjenti. Anima Divina. U Rusulaghju.

Un ghjornu un rusulaghju in circa di ben fa
Si missi a butta a l'anghju d'una porta
Stanghittata dapoi qualchi annata fa
Ma iddu si dicia di quissa un m'importa
Parchi u rusulaghju tinia in u so cori
Un sicretu maiori cu monda ghjilusia
Bramaia a un bel'ghjornu di fa li grand'onori
A l'omu chi sicura inde se vultaria
E cusi tutti l'anni a u mesi di maghju
Si vistia di fiora u beddu rusulaghju (bis)

Ora u tempu passaia e a porta staia chjusa
E avali piu nimu da l'usciu s'accurtaia
Ma pa u rusulaghju era una bedda scusa
Chi u tempu passendu piu beddu duvintaia
Li paria dighja di senta da luntanu
U passu di quidd'omu ch'un avia mai vistu
Un'era rivultatu u tempu di u branu
Tuttu ni rinascia dopu a l'inguernu tristu
E com'e di l'altr'anni a u mesi di maghju
Ni sparghjia u so muscu u caru rusulaghju (bis)

L'inguirnacciu crudeli cu tutti i so macagni
Di a tinta casaredda un ebbi piu primura
Senza manc'asculta, ne suspiri ne lagni
Ni ghjunsi a sfraia li li so povari mura
A mesi a legna merzu e petra accatastata
Com'e una varghja viva a porta firmo ritta
In 'ssu mari pietosa cun l'avia tuccata
E a so sarratura si n'era stata zitta
E pa idd'oramai chi lu teni abbracciatu
Piu beddu rusulaghju fiurisci a l'abbranata (bis)